7 Contoh Pidato Bahasa Jawa Singkat Berbagai Tema, Perpisahan Sekolah hingga Pernikahan

Assalamualaikum warahmatullahi wabarakatuh

Ingkang kawulo hormati Ketua Pemuda Kampung Klayaran. Ingkang kinurmatan Bapak/Ibu Kampung Klayaran ingkang sampun rawuh. Ingkang kula tresnani, rencang-rencang sedaya

Puji syukur wonten ing ngarsanipun Gusti Allah SWT, amargi ing wekdal menika kita taksih pinaringan rahmat saengga kita saged makempal wonten acara pengetan dinten Sumpah Pemuda kanthi pinaringan karaharjan. 

Kula, ngaturaken agunging panuwun dhumateng Bapak Ibu ingkang sampun rawuh ing pawiyatan menika.

Bapak Ibu serta sederek ingkang kula urmati, kados sampun kita mangertosi bilih rikala 28 Oktober 1928, para pemuda Indonesia nglaksanakake Sumpah Pemuda.

Para pemuda saking kathah wilayah saking Indonesia ngaturaken sumpah kagem niteni menawi para pemuda ugi gadah semangat kagem njaga NKRI.

Sumpah Pemuda ingkang awujud deklarasi dados tanda menawi semangat njagi kesatuan NKRI mboten namung wonten tiyang sepuh kemawon, nanging ugi tiyang nom. Isi sumpah pemuda inggih menika:

“1. Kami putra dan putri Indonesia, mengaku berbangsa satu, bangsa Indonesia
2. Kami putra dan putri Indonesia, mengaku bertumpah darah satu, tanah air Indonesia
3. Kami putra dan putri Indonesia, menjunjung tinggi bahasa persatuan, bahasa Indonesia”

Mugi-mugi isi sumpah pemuda menika saged dados diamalke kagem Indonesia ingkang luwih becik. Cekap semanten atur kula. Menawi wonten kalepatan, kula nyuwun agunging pangapunten.

Wassalamualaikum wr.wb.

6. Contoh Pidato Bahasa Jawa Tema Unggah-Ungguh (Budi Pekerti)

Assalamualaikum warahmatullahi wabarakatuh
Ingkang kawulo hormati Bapak Kepala SMP Rukun Makmur
Ingkang kinurmatan Bapak/Ibu SMP Rukun Makmur

Ingkang kula tresnani rencang-rencang SMP Rukun Makmur

Sepisan sumangga kita ngaturaken agunging panuwun dumateng Allah SWT, saengga wonten titi wanci punika kita saget muwajahah ing papan menika tanpa alangan.

Sholawat lan salam mboten kasupen tansah kita kunjukaken dumateng nabi panutan kita nabi agung Muhammad SAW.

Bapak Ibu saha kanca-kanca ingkang kinurmatan, Keparenga kula, Amalia, ing wekdal menika ngaturaken sekedhik irah-irah babagan budi pekerti tumrap kita sedaya konjuk nguri-uri budaya jawi wiwit nglaksanakake unggah ungguh utawi budi pekerti kanthi sae saestu supados urip bakal ayem, tentrem, saha bagya.

Para rawuh ingkang satuhu bagya mulya, unggah ungguh ing wekdal menika sejatosipun sampun mrihatinake.

Mila, kita kedah sami-sami sinau babagan unggah ungguh tumrap tiyang sepuh, sesepuh, saha saking Bapak Ibu guru.

Cekap semanten atur saking kula. Menawi kathah kalepatan saha kekiranganipun nyuwun pangapunten.

Wassalamualaikum wr.wb

7. Contoh Pidato Sambutan Pernikahan 

Assalamualaikum Wr. Wb.

Poro Bapak poro Ibu, hadirin sedoyo ingkang kawulo hormati.

Soho poro tamu undangan walimatul ursy lan sedoyo pengantar penganten ingkang kulo hormati.

Wonten ing mriki kawulo minangka wakil saking tiyang sepuh ( wali ) temanten jaler inggih puniko Bpk. Tasroni sekeluarga, soho minangka wakil sedoyo pengantar kemanten sangking desa Karangdempel, keparengo matur sepindah bilih sowan kulo sak rombongan mulai bidal sangking desa Karangdempel ngantos dumugi dusun Sikancil mriki Alhamdulillah bilih kawontenan kulo sak rombongan wonten ing perjalanan dipun paringi wilujeng boten wonten setunggal alangan punopo.

Kaping kalihipun kawulo matur nuwun sanget dumateng Bapak H. Tuban sekeluargo, dene menopo kulo sak rombongan tansah dipun sediakan papan pinarakan soho hidangan-hidangan ingkang tansah ngremenaken dumateng manah kawulo, boten sanes mugi-mugi sedoyo meniko tansah ndadosno amal ingkang dipun trami wonten ngarsanipun Allah SWT. Amin.

Itulah 7 contoh pidato Bahasa Jawa singkat dengan berbagai tema. Contoh pidato tersebut dapat menjadi pembelajaran sekaligus referensi bagi yang ingin melakukan pidato dengan memakai Bahasa Jawa.

Editor: Komaruddin Bagja